EL AGÜELU

EL AGÜELU

I

-Que a ver si te callas

Que a ver si me dejas

Ya te he dichu mil vecis, Francisca

Que no jablis della

No me vegas queriendu adornalo

Que asin lo estropeas

Es qu’es mala hija, y tie mala sangri

Metia en la vena ¿tan mal la cuidábamus

Pa que asin juyera?

Por casal con ese perdiu

Que no que jumu tieni en la caeza

En nuestra casa, acaso ¿no mandaba ella lo mesmo

Que un duqui, igual que una reina?

Que no masi la nuestra muchacha

Por que no tie juerza

Que no vaya a laval al regatu

Por que el agua fría las manus le agrieta

Que no vaya a cogel acetunas

Ni la bellotera

Pa que no se arrastri

Pa ganal dos perras

Mientras, nosotros ya viejus, ganadu pa ella

Tu lavando ropa

Y yo dandu güebras

¿de que vivan lejus, Francisca te quejas?

Allá en la morería, ojalá viviera

Pa no oil jablal dellos

Ni velos siquiera

-Tiu Juan que no coraila

-Tiu Juan que le pega

Que se ha quedao lo mesmo que un jilo

-Rayos y centellas.

¿tengo yo la culpa?

Y que es esu que quieris

Que vaya yo a vela

Esu no lo jagu

Man que todu mi cuerpu

Cachinos jiciera

Ni ahora que esta mala

Ni aunque estuviera muerta

¡quies engatusame

Con el muchachitu que anochi naciera!

-Juan ques una bola

Un rollu de manteca

Que a ti se paeci

Que encuntu lo veas

Te quedas embobau, y aquí te lo trajeras

Comu si lo viera

-tu no me conocis

Cuandu asin galreas

-la jicierun la pagan, Francisca

lo juru por estas

y que no me quitin

toita la pacencia

y a la nuestra casa, por Dios que no vengan

que agarru el garroti, y a juerza

de palus, los pongu en la puerta

y tu, no porfíes, que es tiempu perdiu

a ver si te jacis un ñuo en la lengua

a ver si te callas

a ver si me dejas

II

Venga a qui mi neni

El mi mozu venga

¡por que lloras hombri

¿te ha pegao la agüela?

Pos venti conmigu, que con

La garrota le sacuo un palo

Al que no te quiera

Amus pa la sala, que jaci relenti

Y aunque aluego regruña la vieja

Por que ice que too lo emporcamus

Que tenga pacencia

¿ices que no quieris?

Pos amu p’a lanti

Hasta onde tu quieras

¡ que tunu es mi mozu!

¿pos no alza la pierna?

Pa decilmi que quieri de seguida

Montal en la burra, y dilse p’a juera

Cunadu seasa talluu

Te llevo a la jesa,

Y te vienis conmigo p’a siempre

P’a que te enseñi a dal una grüeba

A arar en barbechu

A jachar una siembre

Que el floju de tu padri

No entiendi de labrar la tierra

El y la tu madri, están empeñaus

En que los perdoni

En que yo les quiera

Pero no lo logran

Primero me entierran

¡lo jicieron, lo pagan!

Y con crecis

¡lo juro por estas!

III

-Quien llama Francisca

Que asin aporrea

Como logrin espertar al muchachu

Le rompu la jeta

-Es la nuestra hija

Como le has prohibio pasal la puerta

La probi nos llama

Pidiendu a su hiju

Pà si tiene jambri, dale una gotera

Juan, esta llorandu, lo mesmo, lo mesmo

Que una madalena

-Pos dile que suba,

Y dile a su jombri

Que suba con ella

Quel muchachu no sali de casa

Porque yo no quiero, en nochi como esta

Si lo quierin asin, que se aguantin

Y si no lo quirein, dilis que se vengan

A esta casa mañana o esta nochi mesma

Que el mi mozu no Sali a estas horas

¡me casu en la pena!

Angel Marina-Desde mi Rincon

Guadalupe-1917)

Crónica desde la calle Cuba de mi Llopis Ivorra

Agustin Díaz fernandez